Amit Agrawal (L), Director of Khalti, and Bharat Agrawal, CEO of Cinestar Pvt. Ltd. (Big Movies) shake hands after signing partnership agreement

बिग मुभिजको टिकट खल्ती एप्सबाट लिन सकिने

दर्शकलाई फिल्मको टिकट किन्न सजिलो र सुरक्षित होस् भनेर खल्तीले मोबाइलबाटै टिकट किन्ने व्यवस्था गरेको छ । खल्तीले बिग मुभिजसँग मोबाइलबाटै फिल्म टिकट किन्न मिल्ने सेवाका लागि रणनीतिक साझेदारी गरेको हो ।

खल्तीका डाइरेक्टर अमित अग्रवाल र सिनेस्टार प्रा.लि.का सीईओ भरत अग्रवालले उक्त सम्झौता पत्रमा हस्ताक्षर समेत गरेका छन् । सम्झौता अनुसार अब ‘बिग मुभिज डटकम डट एनपी’ मा गएर फिल्मको टिकट बुकिङ गरेपछि ग्राहकले सजिलै आफ्नो खल्ती आईडीमार्फत उक्त टिकटको पैसा तिर्न सक्नेछन् ।

‘फिल्म हेर्न जानेहरुले नगदविना नै फिल्म टिकटको पैसा भुक्तानी गर्न सक्नेछन्’ ‘खल्ती’का डाइरेक्टर अग्रवालले भने ‘यसले फिल्म हेर्न जाने दर्शकलाई टिकटिङ र पेमेन्ट प्रक्रिया झन्झट मुक्त र निकै सहज बनाउने छ ।’ दर्शकले जहिले पनि र जहाँबाट पनि आफ्ना र परिवारका लागि टिकट बुकिङ गर्न यो सेवा चलाउन सक्ने उनले खुलाए ।

सेवा उद्योगको हैसियतले ग्राहकहरुलाई शत प्रतिशत सन्तुष्टी दिने सदैव आफ्नो प्रयास हुने सनेस्टार प्रालिका सीइओ भरत अग्रवालले बताए । ‘हाम्रा सेवाहरु झनै स्तरीय बनाउनका लागि हामीले खल्तीसँगको यो सहकार्य सुरुवात गरेका हौँ’ उनले भने ‘अब ग्राहकहरुले अनलाईनबाट सजिलै फिल्म टिकटको पैसा भुक्तानी गरी समय र पैसाको सदुप्रयोग गर्न सक्नु हुनेछ ।’

छिमेकी देशहरू भारत, चीन र बंगलादेशको तुलनामा नेपाल मोबाइल भुक्तानीको प्रयोगमा धेरै पछाडि रहेको उल्लेख गर्दै उनले यो सेवाले दर्शकमा सुबिधा थपिएको सुनाए । अभियानले अहिलेसम्म मोबाइलबाट भुक्तानी गर्ने बानीको सुरुवात नगरेका व्यक्तिहरुका लागि बानी परिवर्तन गर्न र खल्तीको सजिलो मोबाइल भुक्तानीको मज्जा लिन प्रोत्साहित गर्ने अग्रवालको भनाई रहेको छ ।

काठमाडौंको कमलपोखरीस्थित सिटी सेन्टरमा रहेको बिग मुभिज दर्शकहरुको रोजाइमा रहेको सुविधा सम्पन्न मल्टिप्लेक्स हल हो । बिग मुभिजमा कूल ८ सय ७० सिट क्षमताका तीनवटा थिएटर छन् । क्लियर पिक्चर, गुणात्मक साउण्ड सिष्टम, आरामदायी कुर्ची, गुणस्तरका साथै उत्कृष्ट सेवामार्फत रोमाञ्चक अनुभूति दिलाउने बिग मुभिजको विशेषता हो ।

सन् २०१७, जनावरी २६ बाट नेपाली बजारमा आरम्भ भएको खल्ती, एक उदयमान र रुचाइएको पेमेन्ट गेटवेका् रुपमा चिनिएको छ । खल्तीएप प्रयोग गरी मोबाइल रिचार्ज, बिजुली र पानीको बिल भुक्तानी, इण्टरनेट तथा डीटीएचको बिल भुक्तानी, फिल्म टिकट, प्लेन टिकट, होटेल रुम बुकिङ तथा अन्य थुप्रै सेवाहरु लिन सकिन्छ ।

This news-story was originally published in Ratopati. Read the original article here.

Facebook Comments
बिग मुभिजको टिकट खल्ती एप्सबाट लिन सकिने

You May Also Like

Leave a Reply

Your email address will not be published. Required fields are marked *