नेपालको खल्तीले जित्यो गुगल बिजनेश ग्रुप स्टोरी कन्टेस्ट

गुगलले यस वर्षको ग्लोबल गुगल बिजनेश ग्रुप स्टोरी कन्टेस्ट विजेताको रुपमा नेपालको डिजिटल वालेट खल्तीलाई छनोट गरेको छ । गुगल प्रयोग गरी आफ्नो व्यवसाय वा केही उदाहरणीय काम गर्ने व्यक्ति र कम्पनीहरुलाई प्रोत्साहन गर्ने उद्धेश्यले हरेक वर्ष गुगलले यो प्रतिष्पर्धा गर्दै आएको छ ।

‘गुगल बिजनेश ग्रुप स्टोरी सर्च २०१७’ को नाममा सञ्चालित यो प्रतिष्पर्धामा खल्तीसहित ३ नेपाली स्टार्टअप नोमिनेशनमा परेका थिए । कुल ९ स्टार्टअप नोमिनेशनमा परेकोमा नेपालको खल्तीसहित फिलिपिन्सका क्याफे यागम र भर्चअलाहान र इन्डोनेशियाको रिलिभले यो कन्टेस्ट जितेका हुन् ।
यी कम्पनीलाई अनलाइन भोट र गुगलका निर्णायकको भोटका आधारमा छनोट गरिएको हो ।

खल्तीले अब गुगलको हेडक्वाटर सान फ्रान्सिस्कोमा गुगल पेमेन्ट र यसको महत्वपूर्ण टिमबाट प्रत्यक्ष रुपमा मेन्टरसिप प्राप्त गर्ने भएको छ । साथमा विश्वका प्रतिष्ठित टेक थिंकर, इन्नोभेटर र बिजनेश लिडरलाई भेट्न पाउने छ ।

यसअघि नेपालबाट यल्लो नेपालले यो कन्टेस्ट जितेको थियो । अन्तराष्ट्रिय क्षेत्रमा नेपाली प्रतिभालाई चिनाउने यो अर्को अवसर बनेको छ । यसबाट विश्वकै प्रतिष्ठित कम्पनी गुगलले नेपाली कम्पनीलाई पहिचान र कदर गरेको छ ।

खल्ती फिन–टेक कम्पनी हो, जसले नेपालमा क्यासलेस इकोनोमीको अवधारणामा काम गरिरहेको छ । यस कम्पनीले नेपालमा डिजिटल पेमेन्टको माध्यमबाट हरेक नागरिकलाई सेवा प्रदान गर्ने उद्धेश्य लिएको छ ।

खल्तीमार्फत सजिलै विभिन्न भुक्तानीका सेवाहरु अनलाईन र अफलाईन मोडमा उपभोग गर्न सकिन्छ र त्यो वापत राम्रो पैसापनि कमाउन सकिन्छ । साथै खल्तीमा टार्गेटमा आधारित क्यास ब्याक अफर भएकोले बढी कारोबार गर्नेहरुको लागि पनि एकदमै उपयोगी छ ।

This article was originally published at Bihani Online on October 14, 2017. Read the original article here.

Facebook Comments
नेपालको खल्तीले जित्यो गुगल बिजनेश ग्रुप स्टोरी कन्टेस्ट

You May Also Like

Leave a Reply

Your email address will not be published. Required fields are marked *